पत्रकारहरुको शब्द प्रयोग प्रती खेद

July 31 2015

पत्रकारहरुको शब्द प्रयोग प्रती खेद ।
नवलपरासीमा केही दिन अघि मान्छेको बली चढाईएको र बली चढाउने झाँक्री भएको समाचार पत्रपत्रीका, रेडियो, टेलिभिजनमा आएको थियो ।
तर बालकलाई बलिचढाउनेको हुलिया (फोटोको गेरु बस्त्र धारी) हेर्दा ऊ झाँक्री होइन भन्ने प्रष्ट हुन्छ ।
...

धामी-झाँक्री प्रथाको सम्बन्ध प्रकृतिपूजकहरुसँग जोडिन्छ । नेपालका आदिवासीहरु र खस (मष्ट पूजा गर्नेहरु) समुदायमा झाँक्री-धामी प्रथा अझैसम्म जीवित छ । ती समुदायमा धामी-झाँक्रीको काम प्रकृतिको रहस्य बुझाईदिनु र पूर्खाको मृत आत्मासँग जीवितहरुको सम्पर्क गराईदिनु हो । प्रकृतिबादीहरु अरुको कुभलो चिताउने समुदाय होइनन् । पूजा-आरधना गर्दा ब्यक्तिगत प्रगती र समृद्धीको कामना नगरी सम्पूर्ण मानव कल्याणको कामना गर्नु नै प्रकृतिबादीहरुको परिचय हो । त्यसैले मानव बलि चढाउनु कुनै पनि प्रकृतिबादी धामी झाँक्रीले गर्न सक्दैनन् ।
यहाँ के कुरा प्रष्ट हुन आवश्यक छ भने प्रकृतिबादीहरुमा धामी झाँक्री भए झैं असली हिन्दुहरुमा "बाबा" "माता" आदि हुने गर्दछ । धामी झाँक्रीहरुको पहिरन सेतो हो भने बाबा र माताहरुको पहेंलो हुन्छ । यहाँ फोटोमा देखिएका पहेलो बस्त्रधारी झाँक्री नभै "बाबा" हुन् ।
त्यसैले शब्द प्रयोग गर्दा शब्दको मर्म बुझ्न पत्रकार महोदयहरुलाई मेरो आग्रह छ ।