नागसँग मानिसको सम्बन्ध

19 August 2015

नागसँग मानिसको सम्बन्ध उत्पत्तिकाल देखिनै छ । तर त्यो सम्बन्ध मित्रवत नभै सत्रुतापूर्ण हो ।
नाग अर्थात सर्पको डसाईबाट करोडौं मानिसहरुले ज्यान गुमाई सकेका छन् भने मानिसको आक्रमणबाट अरबौं नागले परमधामको यात्रा तय गरिसकेको छ ।
खासगरी नेपाल लगायत बंगालको खाडीबाट फैलने मनसुन प्रभावित क्षेत्रमा बर्षायाममा नागको बिगबिगी ज्यादा हुन्छ । बर्षायाममा नै नागको डसाईबाट धेरै मानिस र मानिसबाट सर्प मारिन्छ्न् । सर्पबाट जोगिने उपाय भने कै उसँग जम्काभेट नहुनु हो ।
...

तर नागलाई कथित देवताको रुपमा उभ्याएर सर्वसाधरण मानिसमा भय उत्पन्न गरि यूगौंदेखि एउटा समुदायले हरेक बर्ष आजकै दिन गतिलो ठगी धन्दा सञ्चालन गर्दै आएको छ । कागजमा कोरिएको नागको चित्र घरमा टाँस्दा नागले डस्दैन भन्ने अन्धविश्वास बेचेर दुनियाँलाई उल्लु बनाउनु धर्मको आड लिए । सायद यो ठगी धन्दाको बिरोध गर्दा धर्मको खिलापमा बोलिएको अर्थ लाग्न पनि सक्छ ।
तर यदि नागको डसाईबाट सर्वसाधारणलाई बचाई धर्म कमाउने रहर नै भए पूरेत महोदय,,,घर, गोठ, करेसाबारी, बाटोघाटो आसपास फैलिएको झाडी सफा गर्न घर-घर पुगेर सल्लाह दिनुस् । झाडी भएको बाटो हिंड्दा हातमा लामो लठ्ठी बोक्न र लठ्ठीले दायाँबायाँको झाडी हिर्काउँदै अगाडि बढ्न सिकाउनुस् । यदि नागसँग जम्काभेट भै हाल्यो र भाग्नु पर्ने अवस्था आयो भने बाङ्गोटिङ्गो पाईला चाली भाग्न अह्राउनुहोस् र नागले डसी हाल्यो भने डसेको भागलाई रुमाल वा लामो कपडाले शरिरको अन्य भागमा बिष नसर्ने गरि कसिलो बाँधी जतिसक्दो चाँडो स्वास्थ्य संस्थामा लैजाने सल्लाह दिनुस् ।
र, नाग पञ्चमीलाई नागको चित्र टाँस्ने होइन नागबाट बच्ने उपाय गाउँ-समाजमा बाँड्ने, छलफल गर्ने दिनको रुपमा मनाऔं । नाग पञ्चमीको यहि शुभकामना ।