सेना परिचालनले समस्याको समाधान हुँदैन

24 August 2015

थारुहरु, जसले यूगौंदेखि मदेशको समथर भू-भागमा गर्मी, सितलहर, सर्प-हात्ती-बाघ-गैंडा जस्ता हिंशात्मक जनवारको आक्रमण, औलो जस्ता प्राणघातक रोगसँग लडेर जीवन निर्वाह गर्दै आए ।
जब औलो नियन्त्रणमा आयो, मोटर बाटोको सुविधा सहज बन्यो तब पहाडका टाठाबाठाहरु झरेर विभिन्न बाहानामा थारुहरुको जमिन हडपी भूमिहिन बनाउने कार्य गरे । हरूवा, चरुवा, हलिया, कमैया, कम्लहरी बनाई आफूहरुको सेवामा आजीवन तिनै हिजोका भूमिपुत्रहरुलाई खटाए ।
अधिकारको लागि तिनै थारुहरु सडकमा उत्रन्दा सरकारी खर्चमा अखण्ड सुदुर...पश्चिमाञ्चलको आन्दोलन सञ्चालन गरि थरु बाहुल्य क्षेत्रलाई छिन्न भिन्न बनाउने सामन्ती चिन्तनकै कारण आज कैलालीमा निर्दोष प्रहरी र थारुहरुले जीवन गुमाउनु परेको छ ।

सेना परिचालनले समस्याको समाधान हुँदैन । संविधान निर्माणको क्रममा सिमान्तकृत समुदायलाई गरिएको उपेक्षा र राज्यको सिमाङ्कनको क्रममा थारु, मगर र मदेशी जनतालाई छिन्नभिन्न पारेर गरिएको गल्तीलाई सच्याई समानुपातिक, समावेसी र लोक कल्याणकारी राज्यको अवधारणा अनुसार राज्य सत्ता सञ्चालन गर्ने प्रतिवद्धता जाहेर गर । दलित लगायत अति सिमान्तकृत समुदायलाई थप क्षतिपूर्तिको ब्यवस्था गर ।