कैलालीको टिकापुरमा

24 August 2015

कैलालीको टिकापुरमा हिंशात्मक घटना घट्नु पछाडि सरकार र तीन पार्टीको प्रमुख हात छ । सङ्घीय राज्य सिमाङ्कनको क्रममा थारु बाहुल्य क्षेत्रलाई दुई अलग राज्यमा बिभाजन गरेपछि थारुहरुले सडकमा शान्तिपूर्ण आन्दोलन गर्दै आएका थिए ।
थारुहरुले अधिकार प्राप्तिको लागि गरिरहेको शान्तिपूर्ण आन्दोलनलाई निश्तेज बनाउन सरकार र प्रहरी प्रशासनले अखण्ड सुदुरपश्चिमाञ्चल पक्षधरलाई उचालेर भिडन्तको स्थिती सिर्जना गरि आन्दोलनकारी माथि दमन गर्ने अभियान सञ्चालन गरेपछि बाध्य भएर थारुहरु प्रतिकारमा उत्रेका... हुन् । यद्यपि टिकापुर घटना दु:खद छ ।

नेपाल सरकार र संविधान निर्माणको क्रममा घाँटी जोडेका तीन पार्टीले तुरुन्तै प्रहरी दमनलाई रोकेर शान्ति स्थापनाको लागि पलह गर्नुपर्छ । तर सत्ता उन्मादले अन्धो भएको राज्यसत्ताले निर्दोष थारु जनताहरुमाथि निर्मम दमन गर्न सक्छन् त्यसैले मानवअधिकारकर्मीहरु तुरुन्तै घटना स्थलमा जानू र निश्पक्ष छानबिनको लागि अन्तर्राष्ट्रिय मानव अधिकारबादी संस्थाहरुलाई आह्वान गर्नु पर्छ ।