महिलाले पनि दुईवटा श्रीमान् घरमा राख्न पाउनु पर्छ

23 July 2015

 ..........जसले यो कुरो सुझाबको क्रममा राख्नु भो, ती सहासी नारीलाई मेरो सलाम ।

यदि कानुनले कुनै पुरुषलाई एउटी श्रीमति हुँदाहुँदै अर्की श्रीमति राख्न अनुमति दिन्छ भने एउटी महिलाले एउटा श्रीमान हुँदाहुँदै अर्को श्रीमान राख्ने अनुमति किन नपाउने ?
...

नेपालमा धेरै पहिलाबाट बहुबिवाह गर्न नपाईने कानुन प्रचलनमा छ । तर कानुन हुँदाहुँदै पनि धेरै महिलाहरुले सौता बेहोर्नु परेको तथ्य हाम्रो नजरबाट छिपेको छैन । बहुबिवाहबाट पीडित महिलाले कानुनी उपचारको बाटो खोजे पनि समाजले उनलाई सँगै गरेर खान दवाब दिन्छ । त्यसैले एउटी महिला कानुन र समाजसँग जहिल्यै पराजीत भैरहेकी हुन्छिन् ।
यति हिम्मतिलो कुरा बोल्ने महिलाले कुन अर्थमा बोलिन् त्यसको विश्लेषणनै नगरी समाचार लेख्नेले सिधै लेखिदिएपछि समाचार पढ्नेहरुमा अहिले उपरोक्त भनाई खिसीट्यूरीको बिषय भएको छ । सर्वसाधरण मानिसहरु मात्र होइन सामाजिक, राजनीतिक, साहित्यिक र अधिकारमूखी आन्दोलनमा सरिक ब्यक्तिहरु पनि ती महिलामाथि ब्यङ्ग्यबाण हान्न पछिपरेका छैनन् ।
ए ! पुरुष मित्रहरु ।
कानुनले छेकबार लगाएको कुरोलाई सहजै उल्लंघन गरेर घरमा एउटी हुँदाहुँदै अर्की महिलालाई दोश्रो श्रीमतिको रुपमा भित्र्याउने पुरुष र कानुनी उपचार खोज्न साथदिनुको सट्टा मिलेर गरिखान सल्लाह दिने समाजलाई यहाँभन्दा गतिलो झापड अरु के हानुन् ती महिलाले ।
उपरोक्त ब्यङ्ग्यबाणबाट वर्तमान कानुन, समाज ब्यवस्था र पुरुष मानशिकताको मर्मस्थलमै प्रहार गर्ने सहासी नारी तपाईं जो हुनुहुन्छ,,,,मेरो एक पटक फेरि सलाम ।