"म महेश" को गुणगान

14 August 2015

राज्यको नाम "मगरात" वा "थारुवान" लेखिला/नलेखिएला । नाममा, सङ्घीय राज्यको संख्या थोरै/धेरै भन्ने कुरामा सम्मती/बिमती होला । तर मगर र थारु बाहुल्य क्षेत्रलाई छुट्टाछुट्टै राज्यमा बिभाजित गरिनु त्यस क्षेत्रमा रहेका कोही पनि मगर/थारुलाई पाच्य हुँदैन ।
त्यसैले केही दिनदेखि थारुहरु निरन्तर आन्दोलनमा छन्, मगरहरुको पहिलो चरणको आन्दोलन आजबाट शुरु भएको छ । मगर वा थारुहरुको बाहुल्यता रहेको क्लस्टरलाई छुट्टै राज्य बनाउन अहिले नै नसकिए पनि अलग-अलग राज्यमा टुक्राउनबाट जोगाउन भने सकिन्छ । तर पहिचान बिरोधी कित्ताको पक्षपोषण गर्दै आएका तीनै समुदायका नेता-कार्यकर्ताहरु अहिले गुमनाम छन् । केही दिन पछाडि ती महासयहरुको फेसबुक पेजमा "म महेश" को गुणगान गाईएको स्टाटस देखिएमा अचम्म मान्नु पर्दैन ।