राष्ट्रिय बिभुती र तिनीहरुसँग जोडिएको मिथ

26 August 2015

फेसबुकमा एक जना नेपालकै चर्चित मानवशास्त्रीसँग म पनि जोडिएको छु । वहाँको बिद्वता र बिचारलाई सधैं कदर गर्छु र वहाँको भेटेसम्मका लेख, अन्तर्वार्ता, फेसबुक स्टाटस पढ्न छुटाउँदिन ।
हिजो वहाँले फेसबुकमा एउटा स्टाटस लेख्नु भएको छ । धेरै तिरको कचकच र गनगन सुन्दासुन्दा दिक्क भएर फेसबुकमा गुनासो पोखे झैं लाग्यो ।
वहाँ लेख्नु हुन्छ-------"....ईतिहास,,,,कुन इतिहास ? कति पुरानो इतिहास ? तिमीलाई थाहा छ,,,मान्छे इतिहासभन्दा पनि पुरानो छ । आउ भविश्यको कुरा गरौं ।"
...

हो, मान्छे इतिहासभन्दा पनि पुरानो छ । तर म इतिहासको विद्यार्थी भएकै हुनाले होला झट्ट सबैकुरा स्वीकार गर्न सकिन । मेरो मात्र होइन, अधिकांशको बुझाई छ,,,इतिहासका सबल पक्ष र दुर्वल पक्षलाई राम्ररी नकेलाई सुन्दर भविश्यको रेखा कोर्न सकिन्न ।
म यस अर्थमा यो कुरा लेख्दैछु कि,,,,,राजा महाराजाहरुको एक चिम्टी गल्ती र कम्जोरी उल्लेख नभएको नेपालको इतिहासलाई काखीमा च्यापेर नयाँ नेपालको निर्माण हुन सक्दैन । नयाँ संविधान, राज्यको नयाँ पुनःसंरचनासँगै इतिहासको पनि पुन: संरचना र पुनः लेखन आवश्यक छ । कथित केही राष्ट्रिय बिभुती र तिनीहरुसँग जोडिएको मिथको पनि पुनः संरचना आवश्यक छ ।