घैंटेको हत्याले जन्माएका प्रश्नहरु

21 August 2015

प्रहरी, प्रत्यक्षदर्शी र घाइतेहरुको बयान हेर्दा चर्चित डन कुमार घैंटेको हत्याले केही प्रश्नहरु जन्माएका छन् ।
१) घैंटेले आपराधिक कृयाकलाप गरिरहेका थिए र ऊ अपराधी हो भन्ने कुरामा कसैको बिमती छैन । तर ऊ बिगत केही महिनादेखि खुल्लमखुल्ला हिडिरहेको र भूकम्प पीडितहरुलाई राहत बितरण गर्ने कार्यमा संलग्न भएको समाचार आउँदा पनि त्यसबेला नेपाल प्रहरीले किन उनलाई पक्रने प्रयास गरेन ?
२) प्रत्येक्षदर्शीहरुले भनेका छन्---उनलाई पक्रन सिबिल ड्रेसमा मुखमा माक्स लाएर केही प्रहरी घर भित्र छिरेक...ा थिए । घैंटे अपराधी हो, घरमा ऊसँग प्रतिकारको लागि हतियारहरु पनि हुनसक्छ भन्ने कुरो प्रहरीलाई राम्रोसँग थाहा छ । ऊ सार्वजनिक स्थलमा खुल्लम खुल्ला हिडिरहेको अवस्थामा सहजै पक्राउ गर्न पनि सकिने अवस्था थियो तर किन उनकै घर रोजियो ?

३) प्रत्यक्षदर्शीहरु भन्छन्---दोहोरो भिडन्त त नाटक मात्र हो । कुमार घैंटेले प्रहरीमाथि फायर गरेका छैनन् । मानिलिऔं घैंटेले फायर नै गर्यो रे,,,तर उनलाई सिधै छातिमा गोली नहानी कम्मरभन्दा तल गोली हानी घाइते बनाएर गिरफ्तार गर्ने सकिन्थ्यो, तर किन सिधै छातिमा नै गोली दागियो ?
४) ऊ अपराधी हो,,,अपराधीले सजाय पाउनु पर्छ तर यहाँ त अपराधीलाई सिधै मार्नु पर्छ वा मारिन्छ भन्ने सन्देश दिन खोजेको देखियो ।
५) कतै सुर्खेत र सिराहामा प्रहरीद्वारा मारिएका निर्दोष जनताहरुको रगतको पैंचो तिर्न घैंटेलाई मारिएको पो हो कि ?
६) बिगतमा घैंटे झैं आपराधिक क्रियाकलापमा संलग्न र सो संलग्नतालाई पुस्तक मार्फत स्वीकार गरिसकेका बर्तमान उद्योग मन्त्री महेश बस्नेतलाई घैंटेको नजिरले समात्छ-समात्दैन ?
७) दिनेश अधिकारी "चरी" मारिदा एमालेका केही सभाषद्हरुले संविधान सभामै नाराबाजी गरे, अहिले घैंटे मारिन्दा काँग्रेसका केही सभाषद्हरु गृहमन्त्रीलाई गाली गरिरहेका छन् । यी कुरा हेर्दा के प्रष्ट हुन्छ भने घैंटे जस्ता अपराधीलाई प्रयोग गर्ने र संरक्षण दिने उच्च ओहदाका नेताहरु नै हुन् । ती नेताहरुलाई किन कार्वाही गरिन्दैन ?
८) अपराध हुर्काउने नै नेता र प्रहरी हुन् र जतिबेला ती अपराधीहरु आफू अनुकुल हुँदैनन् तब जहाँ पनि मारिन सक्छन् भन्न मिल्ला कि ?