डा. प्रपन्नाचार्य

21 August 2015

उनको दावी थियो,,,किरातीहरुनै असली हिन्दु हुन्,,,आर्यहरु त पछिमात्र हिन्दु भएका हुन् । उनी लिखित "प्राचीन किरात ईतिहास" मा आफ्नो भनाईलाई पुष्टि गर्ने विभिन्न आधारहरु पनि उनले प्रस्तुत गरेका छन् । ता पनि किरातीहरु "हिन्दु" थिए भन्ने कुरामा सहमत हुन सकिन्न ।
तर हिन्दुहरुले आफूलाई सनातनी मान्दै आएको कुरालाई भने ठाडै इन्कार गर्ने आधारहरू प्रशस्त छन् । खासमा सनातनको अर्थ परापूर्वकालबाट मान्दै आएको बिचारभन्ने जनाउँछ । परापूर्वकालदेखि मान्दै आएको बिचार त "प्रकृतिवाद" हो । यसर्थ प्रक...ृतिबादी किरातहरुलाई सनातनी मान्यता बोक्नेहरु भन्न सकिन्छ, हिन्दुलाई होइन। कतै त्यही सनातनी प्रकृतिबादलाई नै डा. प्रपन्नाचार्यले हिन्दु भनेका त होइनन् ? यदि त्यसो हो भने उनले हिन्दुको गलत परिभाषामा अल्मलिएर आफूलाई जीवनभरी हिन्दु माने र किरातीहरुलाई हिन्दु बनाउने प्रयत्न गरिरहे ।

उनी जे हुन्, सहमति-असहमती जे पनि हुन सकिन्छ तर उनले खोजेको गहन दस्तावेज "प्राचीन किरात ईतिहास" मा किरातीहरु पहिला हिन्दु थिए भन्ने सन्दर्भलाई छोडेर अन्य बिषयलाई प्राप्ती कै रुपमा लिनु पर्छ ।
किराती चुल्हामा जन्मिए, एउटा पण्डितको घरमा बसेर भाँडा माझ्दै पूर्विय हिन्दु आर्य दर्शनको बिषद् अध्ययन गरेर र आचार्य पद पाए, धेरै हिन्दु ब्राह्मणहरुलाई किरातीको गोडा ढोकाए उनै काले राई आज सबैबाट बिदा भएर गए । हार्दिक श्रद्धाञ्जली ।
उनी राम्रा संगीतज्ञ पनि हुन् । उनमा शास्त्रीय संगीतको गहिरो ज्ञान थियो । सरगम संगीत प्रशिक्षण केन्द्र पोखराले उनलाई शास्त्रीय संगीतको क्षेत्रमा पुर्याएको योगदान स्वरुप सम्मान गर्दा आयोजकको तर्फबाट मैले पनि महत्वपूर्ण भूमिका निर्वाह गरेको थिएँ । त्यसक्रमा सामान्य भलाकुसारी पनि भएको थियो । उनको बिचारसँग असमत थिएँ/छु तर उनको बिद्धतालाई भने नकार्न सकिन्न । फेरि पनि हार्दिक श्रद्धासुमन ।