दुई बर्षे बालकमाथी कसले गोली चलायो ?

27 august 2015

दुई बर्षे बालकमाथी कसले गोली चलायो ?
टिकापुर घटना दु:खद होइन भनेर कसैले भन्न सक्दैन तर घटना घटेको चार दिन बितिसक्दा पनि सत्य तथ्य कुरो बाहिर नआउनु झन् दु:खद बनिरहेको छ ।
मलाई एउटै कुरोले बारम्बार घोचिरहेको छ कि, टिकापुर घटनामा परि निधन भएको दुई बर्षे बालकलाई गोली लागेको कुरो प्रायः सबै अखबार र अनलाईन पेजहरुले समाचारमा लेखे । तर कसले चलाएको गोली लाग्यो ?
...

सो घटनालाई अतिरञ्जित गर्न चाहनेहरुले आन्दोलनकारीद्वारा बालक मारिएको भनेर घटनालाई जतिसक्दो पासविक देखाउन तल्लिन छन् । तर आन्दोलनकारीसँग बन्दुक थियो र उनीहरुले बन्दुक पड्काएका थिए भनेर अहिलेसम्म सरकार र सुरक्षा निकायले बोलेको छैन । अखबारहरुलाई सत्य खोज्नुभन्दा घटनाको बिभत्सता देखाउन आनन्द आइरहेको छ ।
आन्दोलनकारी माथी जवाफी कार्वाही गर्दा भूलबस पुलिसले चलाएकै गोली लागेर ती बालक मारिएको हुनसक्ने प्रबल सम्भावना छ । सत्यकुरा बाहिर ल्याउँदा जनमानसमा प्रहरीको छवि नराम्रो देखिने र आन्दोलनकारीलाई मात्रै दोषी देखाउन नपाईने भएको वास्तविकता लुकाईएको हुनसक्छ । तर वास्तविकता लुकाउनु अर्को दु:खद पक्ष हो ।
सत्यकुरा बाहिर आओस् । आन्दोलनकारीद्वारा नै ती बालक मारिएको हो भने पनि कसरी कुन अवस्थामा मारियो प्रष्ट पारियोस् । घटनाको वास्तविकतालाई भ्रममा राख्नुको नतिजा राम्रो हुँदैन ।