म गुलियो झुट होइन तितो सत्य मनपराउँछु

August 28/ 2015

म गुलियो झुट होइन तितो सत्य मनपराउँछु । त्यसैले मेरो उपस्थिती गुलियो मन पराउनेहरुको लागि अपाच्य लाग्छ सधैं ।
"महाभारत" महाकाब्य इसाको १००० देखि १५०० बर्ष अगाडि लेखिएको हो भन्ने धारणा पश्चिमी बिद्वानहरुको छ । तर पूर्विय बिद्वानहरुले इसाको ३५०० बर्ष अगाडि लेखिएको दाबी गर्छन् ।
ल सबैले मानिदिउँ इसाको ३,५०० बर्ष अगाडि अर्थात आजभन्दा ५,५०० अगाडि महाभारत महाकाब्य लेखिएको हो ।
...

महाभारतको वर्णन बेदब्यासको मुखारबिन्दुबाट भएको र त्यसबेला सबैभन्दा छिटो लेख्ने "गणेश" ले लेखेका हुन् भन्ने आम बिश्वास छ । "गणेश",,हिन्दु आर्यको आराध्य देव महादेव शिवको छोरा हुन् । शिव र ब्रम्हा समकालीन भए पनि ब्रम्हा शिवभन्दा केही जेठो हुन् । हिन्दु आर्य सभ्यताको सबैभन्दा पुरानो ग्रन्थ बेदको "ब्रम्हा" स्वयंले रचना गरेका हुन् र जसलाई "बेद ब्यास" ले चार खण्डमा बाँडेका थिए भन्ने अहिलेसम्मको आम बुझाई हो ।
बेद ब्रम्हाले नै लेखेका हुन् भन्ने कुरोलाई सत्य मान्ने हो भने "महाभारत" भन्दा बेद ५०-६० बर्ष जेठो हुनुपर्छ । किनकी "महाभारत" उतार्ने काम "गणेश" ले गरेका हुन् । गणेशका पीता महादेव र महादेवको समकालीन ब्रम्हा । तर बेदलाई १०,००० बर्ष पुरानो भएको दावी गरिन्छ ।
लौ न त बेद १०,००० बर्ष अगाडि "ब्रम्हा" ले नै लेखेका हुन् । "ब्रम्हा" सृष्टिकर्ता हुन् । जसले सारा ब्रह्माण्ड र मानिसको समेत सृष्टि गरेका हुन् भन्ने हिन्दु आर्य मान्यता छ । बेद १०,००० बर्ष पुरानो र ब्रम्हाद्वारा लिखित भनेर मानिसके पछि मानिसको उत्पती मात्र होइन सारा ब्रम्हाण्डको उत्पती १०,००० बर्ष पुरानो हो भन्नु पर्ने भएन ?
उडन्ते कल्पना होइन बिज्ञानसम्मत तर्क गरौं ।