नेपालमा दलितको संख्या

16 August 2015

नेपालमा दलितको संख्या सम्पूर्ण जनसंख्याको करिब १३ प्रतिशत छ । दलितहरुको संख्या यति ठूलो हुनुमा धार्मिक कारण मात्र नभै पृथ्वीनारायण शाहको राज्य बिस्तार अभियानले पनि सहयोग गरेको कुरालाई बिर्सनु हुँदैन ।
पृथ्वीनारायण शाहले आफ्नो पहिलो ससुराली खलक मकवानपुरको सेनहरुलाई पराजित गरिसकेपछि ठूला जतिलाई जेल हाल्ने र केटाकेटीहरुलाई दलितको जिम्मा लाएर दलित बनाउने काम गरिएको इतिहास साक्षी छ। पश्चिममा बढी दलितको संख्या हुनुमा राज्य बिस्तार क्रममा असहयोग गर...्ने वा पराजित भएकाहरुलाई अपमानित गर्न न फेरि पनि शक्तिमा नआउन् भन्नको खातिर दलित बनाइएको हुनसक्ने आधार धेरै छ ।

वास्तवमा हिन्दु बर्णाश्रम भित्रैकालाई दलित बनाईनुको कारण
१) कर्मकाण्डी बाहुनबाद टिकाई रहनको लागि ।
२) गोर्खा राज्य बिस्तारको क्रममा पराजित हिन्दु बर्णाश्रम भित्रैका रज्यौटा र तिनका रैतीहरुलाई सजाय दिन दलित बनाईएको हो ।
इतिहासले दलितहरुलाई राजा-रज्यौटा कै सन्तानको रुपमा पनि उभ्याउँछ भने आफ्नो जाति माथि किन हिनताबोध गर्ने ?
अब आफ्नो जातिप्रती गर्व गर्दै सबै प्रकारका विभेद अन्त्यको निम्ति हातेमालो गर्नुको बिकल्प छैन । अधिकार मागेर पाइन्दैन, खोस्नै पर्छ तर खोस्नको निम्ति एक्लैले सम्भव हुँदैन । बृहत दलित एकता र संघर्षको लागि अग्रिम शुभकामना र ऐक्यबद्धता पनि ।