अब देश सम्हालिनु पर्छ

28 april 2015

अब देश सम्हालिनु पर्छ,,,,यो बेला सबै एक भएर पुन: निर्माण र पीडित जनताहरुको न्यूनतम आवश्यकता पूर्तिको लागि जुट्नु पर्छ ।
त्यसैले संविधान सभाको बैठक न्यूनतम् ६ महिना स्थगित गर्नु पर्छ ।
पार्टीहरुको महाधिवेसन, सम्मेलन जस्ता कार्यक्रमहरु पनि न्यूनतम ६ महिनासम्म नगर्ने प्रतिवद्धता जाहेर गरि सबै पार्टीका सबै शक्तिलाई राष्ट्रको पुनः निर्माणमा लगाउनु पर्छ ।
...

अहिलेको सरकारप्रती नागरिकको मात्र होइन स्वयं सरकारमा रहेका पार्टीका अधिकाँस सदस्यहरुको समेत आशा र बिश्वास गुमी सकेको छ । अहिलेकै ब्यक्तिहरु सरकारमा रहनु भनेको उनीहरु अझै आलोचित हुनु र देशलाई झन् अन्धकारको यात्रामा धकेल्नु मात्रै हो ।
त्यसैले अहिलेको सरकारलाई स-सम्मान बिदा गरेर उमेर, स्वास्थ्य, शिक्षा र इमानदारिताको ख्याल गरि सर्वदलीय-सर्वपक्षीय सरकार गठन गर्नु पर्छ । जुन सरकारलाई आम नागरिकले बिश्वास गर्न सकोस र त्यसले ब्यक्ती र पार्टीगत स्वार्थभन्दा माथी उठेर राष्ट्रको पुन: निर्माणमा जुट्न आम नागरिकलाई प्रेरित गरोस् ।
जीवनको उर्जाशिल समय कौडीको मूल्यमा बिदेशीलाई बेच्न बाध्य ५० औं लाख होनाहार यूवाहरु यो बेला देश फर्किएर देशको लागि श्रम र पसिना बगाउन चाहान्छन् ।
अब देशलाई ,,बिभाजन होइन एकताको खाँचो छ,,,,सम्मानको होइन सक्रियताको खाँचो छ,,,,भाषणको होइन नेतृत्वको खाँचो छ,,,,ब्यक्तिगत र पार्टीगत स्वार्थ होइन राष्ट्र निर्माणको संकल्पको खाँचो छ,,,,शक्तिको केन्द्रीकरण होइन बिकेन्द्रीकरणको खाँचो छ । र, नेताहरु जनताको नजरमा सम्मानित हुने परिस्थिती निर्माण गर्ने सबैभन्दा सुनौलो अवसर यहि हो ।
सबैमा चेतना भया !