धार्मिक रुपमा हामी आदिवासी जनजातिहरु

21 July 2015

धार्मिक रुपमा हामी आदिवासी जनजातिहरु कति सहिष्णु छौं भन्ने कुरा बिगतले बताउँछ ।
१) हाम्रै चाड पर्वहरुलाई हिन्दुकरण गर्दा पनि हामी चुपचाप बस्यौं ।
२) हाम्रै प्रकृति र पूर्खाको पुज्य थलो (मनकामना, मुक्तिनाथ, हलेसी, पाथीभरा आदि) लाई हिन्दुकरण गर्दा पनि हामी चुपचाप बस्यौं ।
...

३) हामीमाथि हिन्दु धर्म संस्कृती, हिन्दु कानुन, खस भाषा, हिन्दु लिपि, हिन्दु सम्बत् लागू गर्दा पनि हामी चुपचाप बस्यौं ।
४) गोरु काटेर पूजा गर्ने संस्कृतिलाई हिन्दु कानुनले बन्देज लाउँदा पनि हामी चुपचाप बस्यौं ।
५) हामी अलग धर्म-संस्कृती मान्ने मानिसहरुलाई सोध्दै नसोधी सरकारी लिखतमा हिन्दु लेखिदिदा पनि चुपचाप बस्यौं ।
६) जात-पात, छुवाछूत नमान्ने हामी आदिवासी जनजातिहरुलाई हिन्दु कानुन अनुसार पानी चल्ने-नचल्ने, मासिने-नमासिनेमा बिभाजन गर्दा पनि चुपचाप बस्यौं ।
७) सरकारी बजेट खर्च गरेर हाम्रै थातथलोमा हजारौं हिन्दु मन्दिरहरु बनाउँदा पनि चुपचाप बस्यौं ।
८) हाम्रै थातथलोमा विभिन्न नामका महायज्ञ लगाएर हामीलाई नै राक्षसका सन्तान भनिरहँदा पनि हामी चुपचाप बस्यौं ।
९) हामीले नै तिरेको करबाट सञ्चालन भएको रेडियो नेपाल र नेपाल टेलिभिजनले दैनिक घण्टौं घण्टा हिन्दु धर्मको गुणगान गाईरहँदा पनि हामी चुपचाप बस्यौं ।
१०) कागजको नाग, कुश, डोरो, तिलक, रातो टीका जस्ता वस्तुसँग कुनै सरोकार नराख्ने हामीहरुलाई घर-घरमा आएर लगाइदिंदा/राखिदिंदा सकेको भेटी/पाती चुपचाप दिईरह्यौं ।
तर आज देशले सबै धर्मावलम्बीहरुलाई समान व्यवहार गर्नु पर्छ भन्दा तिमीहरु यूद्धको धम्की दिन्छौ भने उठाउ हतियार र प्रहार गर हामी माथी,,,,,ईटको जवाफ के ले दिनु पर्छ हामीले पनि जानेका छौं ।